Myńdaǵan aýstralııalyq Izraıl men Gaza sektorynda qalyp qoıdy

Aýstralııa úkimeti Izraılde, Gaza sektorynda jáne Iordan ózeniniń batys jaǵalaýynda qalyp qoıǵan myńdaǵan aýstralııalyq azamatty qaıtarýǵa kúsh salýda, dep habarlaıdy Kazinform agenttigi Sınhýa agenttigine silteme jasap.

Aýstralııa premer-mınıstri Entonı Albaneze juma kúni úkimettiń kómegimen úıge oralǵysy keletin aımaqtaǵy 1600 aýstralııalyqty jetkizý úshin tótenshe logıstıkalyq is-sharalar júrgizilip jatqanyn aıtty.

Aýstralııa úkimeti Tel-Avıvtiń Ben-Gýrıon halyqaralyq áýejaıynan eldiń flagmandyq tasymaldaýshysy Qantas basqaratyn eki tegin reıs uıymdastyrdy, onyń birinshisi juma kúni 200-den astam jolaýshymen ushady, úshinshi reıs te jaldanylǵan.

Aýstralııa premer-mınıstri qaqtyǵys aımaǵynan ketkisi keletin 1600 aýstralııalyqtyń 19-y Gaza sektorynda turatynyn málimdedi.

Ol úkimettiń Mysyr úkimetimen Aýstralııanyń tórt azamatynyń otbasyn Ońtústik shekara arqyly Gaza sektorynan shyǵarý týraly kelissózder júrgizip jatqanyn málimdedi.