Myńdaǵan adam Qyzylorda kóshelerinde ulttyq kıimmen júrdi
QYZYLORDA. KAZINFORM — Jalpyulttyq «Naýryznama» tujyrymdamasy aıasynda Ulttyq kıim kúni Qyzylorda qalasynda mazmundy mádenı oqıǵamen aıshyqtaldy.
ala ákiminiń baspasóz qyzmeti habarlaǵandaı, ulttyq rýhtaǵy sherý Y.Jaqaev kóshesinen bastalyp, Óner arbaty arqyly ortalyq alańǵa deıin sozyldy.
«Ult murasy – ulttyq kıim» atty sherýge myńǵa jýyq adam qatysyp, ulttyq bolmys pen dástúr sabaqtastyǵyn aıshyqtaı tústi.
Sherýdi mádenıet salasynyń bir top úzdigi men rýhanııat janashyry, «Syrly saz» etno-folklorlyq ansambli bastap júrdi. Qazaqy úlgide kıingen ónerpazdar halyq ánderin áýelete shyrqap, Óner arbatyndaǵy sahnaǵa erekshe sán-saltanatpen jetti. Bul kórinis kópshilikke umytylmas áser syılap, Naýryz merekesiniń shynaıy rýhyn sezindirdi.
Belgilengen orynǵa jınalǵan soń oqý oryndarynyń stýdentteri ulttyq bı óneriniń jaýhary – «Qarajorǵa» bıin naqyshyna keltire oryndap, kópshiliktiń ystyq yqylasyna bólendi.
Al «Kúmis dombyra – 2025» baıqaýynyń ıegeri Beksultan Orynbasar sahna tórinde júrekjardy arnaýyn usyndy.
Qalalyq mádenıet jáne tilderdi damytý bóliminiń basshysy Aıdyn Qaırýllaev sóz alyp, qala turǵyndaryn Ulystyń uly kúnimen quttyqtady.
– Aýqymdy sharanyń basty maqsaty – qazaq halqynyń baı mádenı murasyn dáripteý, ulttyq kıim úlgilerin keńinen nasıhattaý, óskeleń urpaqtyń boıynda ulttyq qundylyqtarǵa qurmet qalyptastyrý, – delingen habarlamada.
Merekelik sherý qala ónerpazdarynyń án shashýymen jalǵasty.
Al Kókshetaý qalasynda 27 mekteptiń 1500 oqýshysy bir mezette «Bes asyq» ulttyq oıynyna qatysty.
