Mın Aýn Hlaın Mıanma prezıdenti bolyp saılandy
ASTANA. KAZINFORM – Mın Aýn Hlaın juma, 3 sáýir kúni Mıanma Odaq assambleıasyndaǵy (parlament) daýys berýde 50 paıyzdan astam daýys jınap, prezıdent saılaýynda jeńiske jetti, dep habarlaıdy Sınhýa agenttigi.
Mıanmanyń Odaq assambleıasynyń barlyq ókilderinen quralǵan prezıdenttik saılaýshylar alqasy juma kúni prezıdentti saılaý jónindegi otyrysyn ótkizdi. Oǵan 584 depýtat qatysty.
Daýys berý qorytyndysy boıynsha Halyq ókilderi jınalysy (tómengi palata) depýtattar toby usynǵan Mın Aýn Hlaın 429 daýys aldy.
Al eki palatanyń áskerı ókilderi usynǵan kandıdat Ý No So 126 daýys jınady. Ulttar jınalysy (joǵarǵy palata) depýtattary usynǵan Nan Nı Nı Eı 29 daýysqa ıe boldy.
Eldiń saılaý júıesine sáıkes prezıdent úsh vıtse-prezıdenttiń arasynan saılaýshylar alqasy arqyly tańdalady.
Eske sala ketsek, Japonııanyń tuńǵysh áıel premeriniń partııasy saılaýda jeńiske jetkenin jazdyq.
Al Soltústik Koreıada Kım Chen Yn KHDR Eńbek partııasynyń bas hatshysy qyzmetine qaıta saılandy. Endi ol prezıdent statýsyn alýy múmkin. Bul másele aldaǵy toǵyzynshy partııa sezinde jáne odan keıingi Joǵarǵy Halyq jınalysynyń otyrysynda qarastyrylady.
