Mılosh Rjıga «Barys» hokkeı klýbynyń bapkerligine taǵaıyndalǵanyn teriske shyǵardy

Bul týraly vesti.kz portaly habarlady.

Cheh mamany Rjıganyń "Barysqa" bapker bolyp kelgeni týraly habarlamany 14 mamyr kúni reseılik saıttardyń biri taratqan bolatyn. Onda bas bapkerdiń assıstenti qyzmetine Andreı Potaıchýk alynady delingen. Jańa basshylyq komandanyń sátti óner kórsetýin qamtamasyz etý maqsatynda klýb quramyndaǵy legıonerlerdi kóbeıtýdi kózdep otyrǵandyǵy da kórsetilgen edi.

"Ázirge eshkimmen sóılesken emespin, alaıda QHL-den usynystar túsip jatqandyǵyn da jasyrmaımyn. Bul ispen meniń agentim aınalysady. Sondyqtan naqty kimder qyzyǵýshylyq tanytyp júrgenin aıta almaımyn. Jýrnalısterdiń meni "Barysqa" attandyryp jibergenderi tańdandyrmaıdy. Sebebi bul Reseı ǵoı", - dedi bapker "Sovetskıı sportqa" bergen suhbatynda.