Mıllıonnan astam jasandy sómke satqan 73 qytaılyq ustaldy
ASTANA. 20 qarasha. QazAqparat - Qytaı polıtsııasy Louis Vuitton, Hermes jáne Coach brendteriniń 20 myń jasandy sómkesin zańsyz óndirgeni jáne satqany úshin 73 kúdiktini qamaýǵa aldy. «Sınhýa» agenttiginiń habarlaýynsha, qytaılyq tártip saqshylary bul operatsııada amerıkalyq áriptesteriniń kómegine júgingen.
Ustalǵandarǵa mıllıonnan astam jasandy sómke satty degen aıyp taǵylyp otyr. Іri kólemdegi kontrafaktili taýarlardy basqa elderge satty degen aıyppen mamyr aıynda osy qylmystyń basy-qasynda júrgen tegi Tsıan (aty qupııada saqtalyp otyr) degen kásipker ustalǵan bolatyn.
Qytaı álemde kontrafaktilik taýarlardy shyǵarýdan eń birinshi el bolyp sanalady. 2011 jyly AQSh-tyń qarý-jaraq júıesiniń ózinde qytaılyq kontrafaktilik taýarlardyń enip ketkeni anyqtalyp, biraz shý bolǵan edi.
