Mıllıonnan astam musylman Saýd Arabııasyna qajylyqqa jınaldy
ASTANA. QazAqparat - Mıllıondaǵan musylman halqy Saýd Arabııasyna - Mekkedegi jyl saıynǵy qajylyqqa jınalýda. Bıylǵy qajylyqqa 1,5 mıllıonnan astam adam qatysady dep kútilýde, dep habarlaıdy Bı-Bı-Sı agenttigi.
Tilshiler qaýipsizdik sharalarynyń kúsheıtilgenin habarlaýda. Musylmandardyń basty meshiti bolyp sanalatyn Mekkedegi Masdjıd ál-Haram meshitiniń aınalasynda 2 shaqyrym kólik qozǵalysyna tyıym salynǵan. Táý etýshiler jolyna ótkizý beketteri ornatylǵan.
Ótken jylǵy qajylyqta týyndaǵan keptelisten Mına dalasynda 2 myńnan astam adam kóz jumdy. Olardyń kópshiligi Iran azamattary bolǵan.
Tegeran Saýd Arabııasy bıligin qajylyqty nashar uıymdastyrdy dep kinálaǵan edi. Bıyl Iran bıligi óz azamattaryna qajylyqqa barýǵa tyıym saldy.
Eń aldymen Mekkede dinı rásimder ótedi, odan keıin qajylyq etýshiler Mekkeden 5 shaqyrym jerde ornalasqan Mına dalasyna attanady. Sol jaqtan qajylyqtyń negizgi ǵurpy atqarylatyn Arafat taýyna barady. Ǵıbadat etýshiler Muhammed paıǵambardyń jolymen júrip ótedi. Kópshiligi 25 shaqyrym qashyqtyqty jaıaý júrip ótedi.
Ótken jyly túrli baǵytqa bet alǵan táý etýshiler toptary Djamarat kópirinde keptelisip, Mınadaǵy adamdar qyspaǵy oryn alǵan edi.
Jańa qajylyq qarsańynda Mınadaǵy joldar keńeıtildi. Odan bólek, saýdııalyq bılik qajylyq etýshi jandarǵa arnaıy elektrondy bilezik taratady. Ondaǵy jeke aqparat kóz jumǵan nemese jaralanǵan adamdy tanýǵa kómektesedi.
