Mıllıoner Jerorta teńizindegi aralynan aıyryldy
ASTANA. QazAqparat - Novozelandııalyq magnat Maıkl Gart Jerorta teńiziniń La Maddalena arhıpelagynda ornalasqan Býddelı aralynan aıyrylyp qaldy. Sot sheshimi boıynsha, daýly aktıv La Maddalenanyń ulttyq saıabaǵyna berilýi tıis.
Bir kezderi shaǵyn aral bankrotqa ushyraǵan mılandyq kompanııanyń ıeliginde boldy. 2011 jyly Italııa soty ony 4,5 mıllıon eýroǵa saýdaǵa qoıdy, biraq satyp alýshy tabylmady. 2013 jyly ekinshi bássaýda jarııalandy. Ony aral úshin 2,9 mıllıon eýro usynǵan Maıkl Gart jeńip alǵan.
Mıllıoner bul jerde ashyq aspan astyndaǵy murajaıdy qurǵysy keldi. Alaıda onyń bastamalary araldy memleketke qaıtaryp alýdy talap etken ıtalıandyq saıasatkerler men ekologtardyń narazylyǵyna ushyrady.
Aýdany 1,6 myń sharshy shaqyrymdaı Býddelı aralyn Jerorta teńiziniń jaýhary dep ataıdy.
