Mıllıoner bolǵyńyz kele me
ASTANA. QazAqparat - Kanadalyq jazýshy, kásipker Braıan Tresı óziniń «Mıllıonerlerdiń tabysqa jetýiniń 21 qupııasy» atty kitabynda: «Qazirgi ýaqytta biz adamzat balasynyń búkil tarıhyndaǵy eń uly dáýirde ómir súrip jatyrmyz. Búginde bárin jańadan bastap, baılyqqa kenelgen adamdar qatary óte kóp. Mundaı buǵan deıin bolǵan emes jáne ondaıdy kóz aldyńa elestetýdiń ózi qıyn», dep jazǵan bolatyn. Shyndyǵynda da da solaı. Múmkinshilik te kóp. Máselen, qazaq mıllıonerleriniń qatarynan kóringińiz kelse «Habar» arnasyndaǵy «Mıllıon kimge buıyrady?» baǵdarlamasyna qatysyp, baǵyńyzdy synap kórgenińiz jón.
Bul baǵdarlama «Habar» arnasynyń ekranynda qazaq tilinde 2004 jyly shyqqan edi. Eki jylǵa sozylǵan baǵdarlama barysynda myńdaǵan qazaqstandyq óz bilimderin synady. Al aǵymdaǵy jyldan bastap qaıta efırge jol tartqan teleshoýdyń birden-bir ereksheligi júlde qory 2 esege ulǵaıtylyp, 10 mıllıon teńgege jetip otyr. Sonymen qatar «kúımeıtin» qarjy qory da ósti, birinshi «kúımeıtin» qarjyda qatysýshy 20 myń teńgege ıe bolady. Al ekinshi «kúımeıtin» qarjy 300 myń teńgege jetti. Ózgermegen bir nárse, bul oıyn erejesi. Tanymal júrgizýshi, jýrnalıst Dosymbek Óteǵalıev júrgizetin teleshoýǵa kelgen 10 adamnan 1 oıynshy tańdalyp, 15 suraqqa durys jaýap berse mıllıoner atanady.
Ár oıynshyǵa úsh jeńildik beriledi: «50/50» - kompıýter jaýaptyń eki qate nusqasyn alyp tastaıdy; «Dosqa qońyraý shalý» - oıynshy dosyna qońyraý shalyp, 30 sekýndtyń ishinde aqyldasa alady; «Kórermen kómegi» - zaldaǵy ár kórermen ózi durys dep eseptegen nusqany belgileıdi, oıynshyǵa daýys berý statıstıkasy kórsetiledi.
Zııatkerlik shoýǵa 18 jasqa tolǵan kez kelgen azamat qatysa alady. Sharttary da ońaı. «K1» mátinin 3698 nómirine jiberseńiz jetkilikti. Olar tirkelip, túsirilim bastalǵanǵa birneshe apta qalǵanda generatordyń kómegimen tańdalady.
«Oıynnyń ereksheligi stýdııada bir ǵana oıynshy bolady jáne onyń 15 suraqqa qansha ýaqytta jaýap beretini mańyzdy emes, ıaǵnı, oılanýǵa ýaqyty bar, sonymen qatar «dosynan kómek», «elý de elý» jáne «kórermender kómegi» syndy jeńildikter de qarastyrylǵan. Eger, suraq qoıylyp, jaýabyna senimdi bolmasa, kez kelgen ýaqytta oıyndy toqtatyp, utysyn alyp kete alady», - deıdi «Habar» telearnasy Baǵdarlamalar dırektory Aıkúmis Seksenbaeva.
Baǵdarlamanyń túpnusqasy tuńǵysh ret 1998 jyly «ITV» telearnasynda jaryq kórdi. Sol ýaqyttan beri joba álemniń 160 asa elinde kórsetilip, kórermenniń ystyq yqylasyna bólengen. Olaı bolsa, ár senbi saǵat 20.15-te «Habar» telearnasynan «Mıllıon kimge buıyrady?» oıynyn tamashalańyzdar!
Qazaq mıllıonerleriniń qataryna qaısyńyz qosylar ekensizder?
Bilimiń men jyldamdyǵyń synalar sát
Men birinshimin
Jerebe tastaldy, oıyn bastaldy
Al jeńil suraqtan bastadyq, shama-sharqyńyzdy baıqap kóreıik
Júrgizýshiniń bul saýaly bizdi de oılandyryp qoıdy ǵoı
Sáttilik serik bolsyn
Tý, ońaı maqal eken: «Sabyr túbi sary altyn»
Oıyn jalǵastyramyz ba, álde...
Bastapqy 5 suraq jeńildeý, odan keıin kúrdelene túsedi
Mıllıon, mıllıon teńgeler, Dosymbekteı júrgizýshige kim teń keler...
Zııatkerlik shoýdy túsirýge zamanaýı tehnıkalar qoldanylady.
Basy jap-jaqsy bastalyp edi Mıllıon sizge buıyrsyn
Qıyn suraq, kómek almasqa amal joq
