Mıllıondaǵan ıtalııalyqtar sý tapshylyǵy zardabyn kórýi múmkin

ASTANA. QazAqparat - Italııanyń soltústik aımaqtarynda turyp jatqan mıllıondaǵan adam qurǵaqshylyq zardabyn tartýy múmkin. Bul týraly Italııanyń ANBI sý konsortsıýmynyń basshysy Franchesko Vınchentsı aıtty, dep habarlaıdy QazAqparat tilshisi.

«Bizdiń derekterge sáıkes, jaqyn arada 3,5 mıllıon ıtalııalyq úshin qubyr sýy úlken máselege aınalady», - deıdi konsortsıým prezıdenti F.Vınchentsı.

Osy qystaǵy jaýyn-shashyn men qardyń tómen deńgeıi ótken jazda Italııa bastan ótkergen qatty qurǵaqshylyq pen uzaqqa sozylǵan aptap ystyqtan týyndaǵan qıyn jaǵdaıdy odan beter ýshyqtyrdy. ANBI Italııanyń eń úlken Po ózeniniń sý deńgeıi rekordtyq shamaǵa azaıdy.

Sondaı-aq eldiń ortalyǵynda ózender men kólder sýy da aıtarlyqtaı tómendep ketken. Alpi taýlarynan keletin sý kólemi sońǵy on jyldaǵy ortasha kórsetkishpen salystyrǵanda 53% quraıdy.

Foto: ansa.it