Mıllıon jyldyq bas súıek: Ǵalymdar adam evolıýtsııasy týraly túsinikti ózgerte me

ASTANA. KAZINFORM — Zertteýshiler Qytaıda tabylǵan mıllıon jyldyq adamnyń bas súıegi bizdiń túrimiz kem degende jarty mıllıon jyl buryn damı bastaǵanyn kórsetetinin aıtady. Bul týraly BBC jazdy.

Alaıda ǵalymdardyń bir toby munymen kelispeıdi.

— Bul bizge jaqyn túr-sıpattarmen, onyń ishinde neandertaldarmen ózimiz oılaǵannan áldeqaıda uzaq ýaqyt birge ómir súrgenimizdi kórsetedi, — delingen aqparatta.

Ǵalymdar ózderiniń saraptamalyq-taldaýlary bizdiń adam evolıýtsııasy týraly túsinigimizdi «tolyǵymen ózgertedi», eger durys bolsa, tarıhymyzdyń alǵashqy mańyzdy taraýyn qaıta jazady deıdi.

Degenmen, adamnyń shyǵý tegi týraly pikirtalastar jalǵasyp jatqan salada jumys isteıtin basqa sarapshylar jańa zertteýdiń tujyrymdary aqylǵa qonymdy bolǵanymen, túpkilikti emes dep sanaıdy.

Eske salsaq, Petropavldaǵy Zarechnyı kentinde adamnyń bas súıekteri shashylyp jatqany týraly habarladyq.