Mıllıardtaǵan qarjy bólindi: Almatyda qandaı áleýmettik nysandar salynyp, jóndeledi

ALMATY. KAZINFORM – Almatyda osy jyly 120-dan astam áleýmettik nysandy qaıta jańartý jáne salý josparda tur. Onyń keıbiriniń quny mıllıardtaǵan teńgege baǵalanyp otyr. 

Миллиардтаған қаржы бөлінді: Алматыда қандай әлеуметтік нысандар салынып, жөнделеді
Фото: pixabay

Áleýmettik ınfraqurylymǵa mádenıet, bilim berý, densaýlyq saqtaý, sport nysandary kiredi. Qurylysy jáne rekonstrýktsııasy josparlanǵan ǵımarat kóp bolǵandyqtan, biz olardyń eń úlkeni men mańyzdysyna toqtalýdy jón kórdik.

Kazinform agenttiginiń joldaǵan saýalyna qalalyq qurylys basqarmasy 2025-2026 jyldarǵa josparlanǵan 124 nysannyń tizimin usyndy.

Densaýlyq saqtaý

Bıyl Almaty ákimdigi birneshe iri medıtsınalyq mekemeni qaıta qurýdy josparlap otyr. Negizgi nysandardyń biri - №7 qalalyq klınıkalyq aýrýhana bolmaq, ony jóndeýge 33 mlrd teńge bólingen. Sondaı-aq Papanın kóshesi, 220 mekenjaıynda ornalasqan №4 qalalyq klınıkalyq aýrýhanaǵa da 10,6 mlrd teńge qarastyrý kózdelip otyr. 

Budan bólek, Baızaqov kóshesindegi balalar juqpaly aýrýlar aýrýhanasyn jańartý josparda bar, oǵan 13,4 mlrd teńge bólindi. Taǵy bir aıtýly jobanyń biri – Seıfýllın dańǵylyndaǵy №1 perzenthana janynan 60 tósekke arnalǵan qosymsha ǵımarat salý. Onyń quny -12,9 mlrd teńge. Sondaı-aq, 15 mlrd teńgege 250 tósektik pallıatıvtik kómek ortalyǵyn (HOSPIS) jáne JITS ortalyǵy boı kóteredi.

Mıllıardtaǵan qarjy bólindi: Almatyda qandaı áleýmettik nysandar salynyp, jóndeledi
Foto: Aleksandr Pavskıı / Kazinform

Emhanalar qurylysy da nazardan tys qalmady. Máselen, Gagarın dańǵylynda 10,2 mlrd teńgege 500 kelýshige arnalǵan emhana boı kóteredi. Sonymen birge Áıteke bı kóshesinde ornalasqan revmatologııalyq ortalyqtyń ornyna aýdan turǵyndaryna arnalǵan jańa emhana salynbaq (8 mlrd teńge). Almatyda burynǵy temirjol aýrýhanasynyń ornyna balalardy ońaltý ortalyǵy ashylady. Oǵan jergilikti bıýdjetten 5 mlrd teńge bólinbek. 

Sondaı-aq «Dýman» jáne «Shuǵyla» shaǵyn aýdandarynda 500 kelýshige arnalǵan emhanalar salynbaq. Altynsarın kóshesindegi № 2 qalalyq balalar klınıkalyq aýrýhanasy keńeıtiledi. Ákimdik oǵan 4,5 mlrd teńge bólýdi josparlap otyr.

Sondaı-aq RV-90 shaǵyn aýdanynda 200 adam qabyldaıtyn otbasylyq-dárigerlik ambýlatorııanyń qurylysy qarastyrylǵan (1,3 mlrd teńge). Buqtyrma kóshesindegi densaýlyq saqtaý nysandarynyń syrtqy ınjenerlik jelilerine 1,6 mlrd teńge, qalalyq psıhıkalyq densaýlyq ortalyǵyn qaıta jańǵyrtýǵa 2 mlrd teńge bólindi.

Sonymen qatar, qalanyń ártúrli aýdandarynda alǵashqy medıtsınalyq-sanıtarlyq kómek kórsetý ortalyqtary, 300 tósektik kópsalaly aýrýhana, Daraboz shaǵyn aýdanynda 200 tósektik perınataldyq ortalyq qurylysynyń jobasy ázirlenip jatyr.

Bilim salasy

Qalada bilim berý salasynda da birqatar aýqymdy joba júzege asyrylmaq. 

Osylaısha, bilim berý nysandarynyń qurylysy men jańartýǵa kelesideı qarajy bólindi: 

– Á. Sháripov kóshesindegi №16 mektepke 300 oqýshyǵa arnalǵan qosymsha ǵımarat salýǵa – 2 mlrd teńge;

– Dostyq dańǵyly, 266 a mekenjaıyndaǵy №17 mektep-ınternatynyń seısmıkalyq kúsheıtý jáne kúrdeli jóndeý jumystaryna – 2,1 mlrd teńge;

– «Jas-Qanat» yqsham aýdanyndaǵy №198 jalpy bilim beretin mekteptiń qosymsha ǵımaratynyń qurylysyna – 3,5 mlrd teńge;

mektep
Foto: Almaty ákimdigi

– Zaǵıp jáne nashar kóretin balalarǵa arnalǵan № 4 arnaıy mektep-ınternatyna ashanasy bar jataqhana qurylysynyń jobalaý-smetalyq

qujattamasyn ázirleýge – 4 mlrd teńge; 

– Jarokov kóshesindegi №134 mektep-lıtseıin seısmıkalyq kúsheıtýge jáne kúrdeli jóndeýge – 5 mlrd teńge;

– Qarasý yqsham aýdany, Zavodskaıa kóshesindegi № 160 mektepti keńeıtýmen qaıta jańǵyrtýǵa – 5,7 mlrd teńge;

– Dostyq dańǵylynda ornalasqan D.Snegın atyndaǵy №30 mektep-gımnazııasyn jańartýǵa – 5,3 mlrd teńge;

– Buryndaı kóshesindegi №50 mektepti seısmıkalyq kúsheıtýge jáne kúrdeli jóndeýge – 1,6 mlrd teńge;

– Zerdeli shaǵyn aýdanynda 550 oqýshyǵa arnalǵan jańa mektep qurylysyna – 2,1 mlrd teńge;

Sonymen qatar balabaqshalar salý jáne jańartý josparda: 

–Tilendıev kóshesinde paıda bolatyn jańa balabaqsha qurylysyna – 2,5 mlrd teńge; 

– «Shuǵyla» shaǵyn aýdanyndaǵy 320 oryndyq balabaqsha qurylysyna – 2,6 mlrd teńgege; 

– Shevchenko kóshesi, 186A №10 bóbekjaı-balabaqshasyn qaıta qurýǵa – 1,1 mlrd teńge; 

– «Zerdeli» shaǵyn aýdanyndaǵy №153 balabaqsha men «Nurkent» shaǵyn aýdanyndaǵy №37 balabaqshany qaıta qurýǵa – 1,8 mlrd teńge; 

– Abylaı han dańǵyly men Jambyl kóshesiniń qıylysynda ornalasqan №20 bóbekjaı – balabaqshasyn jańartýǵa – 600 mln teńge; 

– «Altyn-Besik» shaǵyn aýdanynda salynatyn120 oryndyq balabaqsha qurylysyna –775 mln teńge; 

– «Darhan» shaǵyn aýdanyndaǵy №168 balabaqshany jóndeýge – 2,9 mlrd teńge; 

Mańyzdy jobalardyń qatarynda Almaty jolaýshylar kóligi jáne tehnologııalar kolledjiniń jataqhana qurylysy bar. Onyń jobalyq-smetalyq qujattamasyn ázirleýge 2,3 mlrd teńge bólindi. 

«Daryn-1» shaǵyn aýdanynda 200 oryndyq mektep-ınternaty men 900 oqýshyǵa arnalǵan mektep salynady. Sondaı-aq quny 1 mlrd teńge bolatyn shaǵyn kásipkerlik ortalyǵy boı kótermek.

«Taýgúl» shaǵyn aýdanyndaǵy eski № 72 mekteptiń ornyna 1 200 oryndyq jańa mektep salynady. Osy maqsatta atalǵan aýmaqta ornalasqan 40 jeke úı buzylady. 

Basqa nysandar

Almatyda N.Sats atyndaǵy orys memlekettik akademııalyq balalar men jasóspirimder teatrynyń ǵımaratyn rekonstrýktsııalaý jumystary jaqynda bastalady. Oǵan 21,7 mlrd teńge bólindi. 

Sondaı-aq júrgizilip jatqan jumystar aıasynda A.Seleznev atyndaǵy Almaty horeografııalyq ýchılışesiniń teatr ǵımaraty kúrdeli jóndeýden ótip jatyr, oǵan 25,1 mln teńge bólindi. 

Sonymen qatar 3,6 mlrd teńgege Almaly aýdany ákimi apparatynyń ǵımaraty kúrdeli jóndeýden ótedi. 

Krasnogorskaıa kóshesiniń batysynda jáne Ostroýmov 2-shi kóshesiniń soltústiginde ornalasqan mamandandyrylǵan ІІD mekemeleriniń qurylysyna ázirlengen jobalyq-smetalyq qujattamaǵa ózgerister engizý kútilýde. 

nysan
Foto: Almaty ákimdigi

Saǵadat Nurmaǵambetov atyndaǵy Qurlyq áskerleri Áskerı ınstıtýtynyń ǵımarattaryn jańartý, sondaı-aq Shuǵyla shaǵyn aýdanynda 6 avtokólikke arnalǵan ІІ tıpti órt sóndirý beketin salý mańyzdy jobalardyń qatarynda. 

Sondaı-aq 1-shaǵyn aýdandaǵy №9 balalar men jasóspirimder sport mektebiniń ǵımaratyn seısmıkalyq kúsheıtý jáne kúrdeli jóndeý jumystary da josparda bar. 

Shuǵyla shaǵyn aýdanynda (7 mlrd teńge), Maılına kóshesinde (6,5 mlrd teńge) jáne Saıaly shaǵyn aýdanynda (6,5 mlrd teńge) jańa dene shynyqtyrý-saýyqtyrý keshenderiniń qurylysy da mańyzdy. 

Mıllıardtaǵan qarjy bólindi: Almatyda qandaı áleýmettik nysandar salynyp, jóndeledi
Foto: Almaty ákimdigi

Byltyr Almaty máslıhatynyń XXVI kezekten tys sessııasynda qurylys-montaj jumystarynyń kótergish jáne (nemese) qorshaý qurylymdaryn salý men qaıta qurýǵa qoıylatyn talaptarǵa sáıkestigin tekserý maqsatynda qurylys nysandaryna kirý tártibin bekitti. 

Budan bólek, Almatyda qurylysqa qatań shekteýler engizildi. 

Eske salaıyq, buǵan deıin Ónerkásip jáne qurylys mınıstri Qanat Sharlapaev naryqtaǵy josyqsyz qurylysshylarmen kúres sharalaryn atap, jańa qurylys kodeksi jobasynyń basty jańashyldyǵyn aıtqan bolatyn. 

Сейчас читают