Mıllıarder Ýorren Baffett Twitter-de paraqshasyn ashty
ASTANA. 4 mamyr. QazAqparat - Amerıkandyq mıllıarder Ýorren Baffett Twitter-de óziniń mıkroblogyn ashyp, onda alǵashqy jazbasyn qaldyrdy.
«Ýorren úıde», - dep jazdy mıllıarder alǵashqy jazbasynda @Warren Buffet paraqshasynda. Omahada ornalasqan Baffettiń Berkshire Hathaway kompanııasynyń ókili amerıkandyq USA Today gazetine mıkroblogtyń shynynda Baffettiki ekenin qýattady. Mıllıarder Twitter-degi blogyn kompanııa aktsıonerleriniń jyldyq jınalysyna eki kún qalǵanda ashyp otyr.
Mıkroblogtaǵy ekinshi jazbasynda mıllıarder Amerıkanyń ál-aýqatyn kóterýdegi áıelderdiń basty róli týraly jańa essesin jarııalamaq.
Juma kúni tańerteń Baffettiń oqyrmandarynyń sany 250 000 adamǵa jetti. Bul týraly tolyǵyraq www.Forbes.ru saıtynan oqýǵa bolady.
Ýorren Baffett álemniń baı adamdarynyń tiziminde 4-orynda tur, onyń dáýleti 53,5 mlrd. dollardy quraıdy.
