Mıllıarder Osmanov bıolog Ýotsonnnyń Nobel medalin satyp aldy
ASTANA. QazAqparat - Reseılik mıllıarder Álisher Osmanov Christie's bássaýdasynda amerıkalyq bıolog Djeıms Ýotsonnyń altyn Nobel medalin satyp aldy.
Lotqa 4 mıllıon dollardan astam tólegen bıznesmen ǵalymǵa nagradasyn qaıtaryp bermek, dep habarlady USM Holdings - kompanııasy baspasóz qyzmetinen.
Djeıms Ýotson Nobel syılyǵyn 1962 jyly DNK qurylymyn ashqany úshin aldy. Ýotsonnyń nagradasy tarıhta kózi tiri kezinde laýreattyń ózi satqan alǵashqy medal bolyp tabylady.
Ǵalym olarǵa 2007 jylǵy suhbattarynyń birinde aıtylǵan túrli násilge qatysty eskertpeden keıin ǵylymı qoǵamdastyqta qýǵynǵa ushyraǵany sebep bolǵanyn málimdedi.
Medaldi satqannan túsken qarajatty Ýotson qaıyrymdylyqqa jumsaıtynyn habarlady.
