Mıllıarder Omar Kamanı 20 mln fýnt sterlıngke erekshe úılený toıyn ótkizdi

ASTANA. KAZINFORM – Pretty Little Thing negizin qalaýshy mıllıarder Omar Kamanı men Nada Kamanıdiń úılený toıy olarǵa 20 mln fýnt sterlıngke tústi. 4 kúnge sozylǵan jáne «ǵasyr toıy» atanǵan caltanatqa Meraııa Kerı bastaǵan kóptegen tanymal tulǵalar qatysty, dep habarlaıdy Mirror.

Úılený toıy tórt kún – 2 mamyrdan 5 mamyrǵa deıin sozyldy.

Omar men Nada Frantsııanyń ońtústigindegi Hotel du Cap-Eden-Roc qonaqúıinde úılendi. Vogue Arabia jýrnalyna bergen suhbatynda kóktemgi úılený toıynyń tamasha ornyn tabý týraly áńgimesinde Nada Côte d’Azur (Kókshil jaǵalaý) ekeýi úshin de óte «erekshe» oryn ekenin aıtty, óıtkeni Omar óziniń qalyńdyǵyna úılený usynysyn dál osy jerde jasaǵan jáne olar qarym-qatynasynyń «ǵajaıyp sátterin» osy jerde basynan ótkergen.

2021 jyly 36 jastaǵy bıznesmen Omar 31 jastaǵy Nadaǵa quny 1,45 mln fýnt sterlıng gaýhar tas saqınasyn salyp, ózine jar bolýǵa usynys jasady.

Qalyńdyq úılený toıyna Dior's Flou Workshop-ta 540 saǵattan astam ýaqyt boıy tigilgen biregeı Dior kóılegin tańdady.

Alǵashqy keshte aq kıim úlgisin kııýge mindettelgen qonaqtar úshin basseın janynda saýyq keshi, otshashý uıymdastyrylyp, bıshiler óner kórsetken.

Kelesi kúni olardyń úlken toıy boldy. Keremet Tom Ford smokıngin kıgen Omar qalyńdyǵyn aq raýshan gúldermen bezendirilgen alleıanyń sońynda kútti, qalyńdyqtyń kele jatqanyn Andrea Bochellıdiń ózi habarlady.

Qonaq úıdegi keshte Meraııa Kerı óziniń hıtterin oryndady.

Úshinshi kúni Omar men Nada úndilik rásim kezinde ant berdi.

Tórtinshi kúni qonaqtar qarapaıym barbekıýde demalýǵa shaqyryldy, mereke jas jubaılardyń qurmetine sońǵy tilektermen aıaqtaldy.

Qonaqtar arasynda Naomı Kempbell, Rıo jáne Keıt Ferdınand sııaqty ataqty adamdar boldy. Qonaqtardyń tiziminde Stıven Bartlett, Taını Tempa, Entonı Djoshýa, Hollı Velens jáne Nık Kendı esimderi de boldy.