Mıllıarder Nıý-Iorktegi egiz munaranyń tóńiregindegi jerdi satyp almaq
ASTANA. Qyrkúıektiń 10-y. QazAqparat - Amerıkandyq tanymal mıllıarder Donald Tramp Nıý-Iork ókimetine 2001 jyly lańkestik áreketten keıin qulaǵan Dúnıejúzilik saýda ortalyǵynyń egiz munarasy ornalasqan jerdiń tóńiregindegi telimdi satyp alýdy usyndy, dep habarlaıdy RBK agenttigi.
Amerıkandyq mıllıarder sol jerge meshit salǵaly otyrǵan musylman qaýymy ókilderinen 25 paıyzǵa kóbirek aqsha usynyp otyr, deıdi derekkóz.
Tramptyń aıtýynsha, ol «onsyz da kúrdeli jaǵdaıdy ýshyqtyrýdyń aldyn alý maqsatynda jáne óte qaýipti jaǵdaıdy sheshý úshin» Nıý-Iork turǵyny jáne aQSh azamaty retinde osyndaı sheshim qabyldap otyrǵan kórinedi.
2001 jyly qyrkúıektiń 11-inde egiz munara qulaǵan jerge jaqyn mańdaǵy jer telimi shamamen 5 mıllıon dollar turady.
