Mıllıarder Maıkl Lınchtiń sýǵa batyp ketken sýperıahtasy teńiz túbinen shyǵaryldy

ASTANA. KAZINFORM — Italııanyń Sıtsılııa jaǵalaýynda 10 aı buryn batyp ketken Bayesian sýperıahtasy sý túbinen shyǵaryldy, dep habarlaıdy Associated Press. 

Eki mınýtta sýǵa batyp ketken kemeni kóterý operatsııasynyń úsh kúnge sozylǵany atap ótildi.

ıAhtany Sıtsılııadaǵy Termını-Imeres portyna jetkizý josparlanǵan, onda tergeýshiler apattyń sebepterin anyqtaýmen aınalysady.

Brıtandyq mıllıarder Maıkl Lınchke tıesili ıahta 2024 jyldyń 19 tamyzynda aýdaryldy. Ol kezde bortynda 22 adam bolǵan. Qaza tapqandar arasynda Maıkl Lınch, onyń 18 jasar qyzy Hanna jáne Morgan Stanley International uıymynyń tóraǵasy Djonatan Blýmer bar. ıAhta jaǵalaýdan 800 metrdeı jerde bolǵan.

Quny 35 mıllıon eýro turatyn 56 metrlik Bayesian ıahtasynyń bortynda Ulybrıtanııadaǵy eń tabysty tehnologııalyq kásipkerlerdiń biri Maıkl Lınch boldy. Lınchti «brıtandyq Bıll Geıts» dep ataǵan. Ol Ulybrıtanııadaǵy eń iri baǵdarlamalyq qamtamasyz etý kompanııalarynyń biri Autonomy kompanııasyn qurdy jáne ony 2011 jyly HP kompanııasyna 11 mıllıard dollarǵa satýǵa tyrysty. Biraq amerıkandyq tehnologııalyq alpaýyt ony alaıaqtyqpen aıyptaǵannan keıin mámile sátsiz aıaqtaldy. Maýsym aıynda San-Frantsısko soty ony barlyq aıyptardan aqtady.

Keme ekıpajynyń úsh múshesi jaýapsyzdyq jáne kemeni jaqyndap kele jatqan daýyldan qutqara almaǵany úshin aıyptalýda. Aıyptaýshy taraptyń aıtýynsha, olar Bayesiannyń sýǵa batyp bara jatqanyn túsinbegen, shuǵyl sharalar qoldanbaǵan jáne jolaýshylarǵa qaýip týraly eskertpegen.

Eske sala keteıik, Sıtsılııa jaǵalaýyndaǵy keme apatynda brıtanııalyq kásipker Maıkl Lınch iz-tússiz joǵalǵany jaıly jazǵan edik.