Mıllıarder Gonkongtaǵy ǵımaratynyń bir bóligin rekordtyq 5,2 mlrd dollarǵa satty
ASTANA. QazAqparat - Mıllıarder Lı Kashıngke tıesili CK Asset Holdings Ltd kompanııasy Gonkongtegi C.H.M.T. fırmasyndaǵy The Center záýlim ǵımaratynyń 75% bóligin satý týraly kelisimge qol qoıdy.
40,2 mlrd gonkong dollaryna (5,2 mlrd $) baǵalanǵan Peaceful Development Asia Property keńselik jyljymaıtyn múlik saýdasy baǵasynda rekord jańartty.
CK Asset-tiń kelisimnen túsken paıdasy 14,5 mlrd gonkong dollaryn quraıdy, dep jazdy Bloomberg agenttigi.
73 qabattan turatyn ǵımarat Gonkongtyń ortalyq aýdanynda ornalasqan jáne qala boıynsha eń bıik ǵımarattardyń besinshisi. Onyń ústine keńselik jyljymaıtyn múlikti jalǵa berý boıynsha bul qala álem boıynsha birinshi orynda tur.
