Mıllıarder Epshteın adam saýdasymen aınalysty degen kúdikpen ustaldy
NUR-SULTAN. QazAqparat - AQSh-ta mıllıarder Djeffrı Epshteın adam saýdasymen aınalysty degen kúdikpen ustaldy. Bul týraly The New York Times gazeti jazdy, dep habarlaıdy QazAqparat.
Nıý-Iork polıtsııasy ony adamdardy józekshelikke salý maqsatynda satty dep aıyptap otyr.
Gazettiń jazýyna qaraǵanda, dúısenbide Epshteınniń soty bolady. CBS telearnasy óz kezeginde mıllıarder Epshteınniń ushaǵy Parıjden Nıý-Djersıge kelip qonǵan sátte ustalǵanyn habarlady.
Epshteın AQSh-tyń qazirgi prezıdenti Donald Tramptyń jáne burynǵy prezıdent Bıll Klıntonnyń eski tanysy.
Al Associated Press agenttigi Epshteınniń ustalýy 2007-2008 jyldardaǵy atyshýly sot isine baılanysty bolýy múmkin degen dolbar jasap otyr. Epshteın sol kezde kámeletke tolmaǵan jezókshelerdiń qyzmetin paıdalandy dep aıyptalǵan.
Ol 2008 jyly óz kinásin moıyndap, 13 aı túrmede otyryp shyqqan edi.
