Mıllıarder Djek Ma Golovkınniń jankúıeri bolyp shyqty
ASTANA.QazAqparat - Alibaba ınternet-korporatsııasynyń negizin qalaýshy qytaılyq mıllıarder Djek Ma Golovkın - Alvares jekpe-jegi úshin arnaıy Las-Vegas qalasyna baryp, Golovkınge qoldaý kórsetken, dep habarlaıdy QazAqparat tilshisi.
Jekpe-jekten alǵan áserin Djek Ma óziniń Weibo áleýmettik jelidegi paraqshasynda jarııalady.
«Aldyńǵy kúni Las-Vegasta Golovkın - Alvares arasyndaǵy «ǵasyr jekpe-jegin» tamashaladym. Bul meniń ómirimde boksty alǵash ret jaqyn aralyqta tamashalaýym. Boksshylardyń bir-birine tıgizgen judyryǵynyń daýysy, aqqan terin jaqynnan seziný basqasha sezim eken. Qazaqstandyq 36 jasar chempıon GGG-nyń jalyndaǵan jas jigitpen ashyq aıqasy, meni qatty shabyttandyrdy» -, dep jazdy Djek Ma.
Sondaı-aq, Djek Ma adamdarǵa Golovkın sııaqty tek alǵa qaraı umtylý kerek ekenin jetkizdi.
Eske sala keteıik, boks jankúıerleri 2 jyl saryla kútken Golovkınmen Alvares arasyndaǵy «ǵasyr jekpe-jegi» 17 qyrkúıek AQSh-tyń Las-Vegas qalasyndaǵy «T-Mobile» arenasynda ótken edi. 12 raýndqa sozylǵan aıqasta boksshylar úsh tóreshiniń 118-110, 115-113, 114-114 esebimen teń tústi.
