Mylqaý adamdardyń bilim alýyna qajetti oqý quraldary joq – Tańsáýle Serikov
ASTANA. KAZINFORM – Qyrkúıekte múmkindigi shekteýli balalarǵa bilim berý týraly zań jobasy Parlamentke engiziledi. Biraq, bul túsinik qate. Mundaı pikirdi BIZDIÑ ORTA podkastynda Májilis depýtaty Tańsáýle Serikov bildirdi.
– Búgingi tańda elimizde ym-ıshara tili resmı qabyldanbaǵan. Respýblıkamyzda sondaı estý jáne sóıleý qabileti buzylǵan 20 myńnan astam adam turady. Olar da Qazaqstannyń teń quqyly azamattary. Biz mylqaý azamattar kóshede gazet satady, saǵat jóndeıdi, etikshi dep jatamyz. Joq, olar da biz sııaqty azamat bolǵysy keledi, úlken laýazymdy qyzmet istegisi keledi. Ókinishke oraı, aqparat kózi jetispeıdi. Nege? Sebebi bizde álippeden ary qaraı jazylmaǵan. Bilesiz be, olardyń matematıkany oqıtyn quraly joq. Olardyń tarıhy oqıtyn quraly joq. Sondyqtan Prezıdent múmkindigi shekteýli balalarǵa bilim berý týraly zań jobasyn ázirleýdi tikeleı tapsyrdy. Atalǵan zań jobasynyń bastamashylarynyń biri retinde qujatty kanıkýldan shyqqan soń qyrkúıek aıynda Parlamentke kiredi dep josparlap otyrmyz. Qujat qazir Úkimet qorytyndysynda, - dedi Tańsáýle Serikov.
Májilis depýtaty Eńbek mınıstrli múmkindigi shekteýli jandandardyń ózderi jumys isteýge qulyqsyzdyq tanytatyndyǵyn alǵa tartyp otyrǵanyn aıtady.
– Qalaısha jumys istegisi kelmeıdi?! Maǵan múgedektigi jandar jandardyń jumysqa almaıtyndyǵyna qatysty kúnine kem degende 10-15 shaǵym keledi, - dedi depýtat.
Osy oraıda Adam quqyqtary ýákiliniń Astana qalasy boıynsha ókili Baıan Jalmaǵanbetova múmkindigi shekteýli adamdardyń jumys tabýy ońaı emestigin aıtady.
– Sebebi jumys berýshiler arasynda steorotıp bar. Qıyndyqtar tek materıaldyq jaǵdaıǵa ǵana emes qoǵamnyń qabyldaý deńgeıine de baılanysty, - dedi ol.