Mılıtsııa qyzmetkeri 4 jasar qyzyn uryp-soǵyp, vıdeosyn ınternetke taratqan

ASTANA. QazAqparat - Ózbekstannyń jergilikti ınternet basylymdarynda «Ózbekstan» telearnasynyń «Úshburysh» tok-shoýynda kórsetilgen vıdeo qyzý pikirtalastarǵa sebep boldy.

Vıdeodan qatygez ákeniń óz perzentin toqtaýsyz uryp, balaǵattaǵany kórinedi, «Sen anańa da kerek emessiń, maǵan da kerek emessiń... Budan keıin ońdyrmaımyn... Úıimnen shyǵyp ket!» degen sózderi estiledi.

kun.uz saıtynyń jazýyna qaraǵanda, kishkentaı qyzdy tómpeshtegen onyń óz ákesi, Tashkent qalasynyń turǵyny, bıylǵy qazan aıynda jumystan óz erkimen bosaǵan ishki ister qyzmetkeri A.H. ekendigi anyqtalǵan.

Qazir oǵan qatysty Tashkent qalasy, Shylanzar aýdandyq prokýratýrasy qylmystyq is qozǵady.