Mılıtsıoner túrme aýmaǵyna esirtki laqtyrmaq bolǵan
BІShKEK. QazAqparat - Qyrǵyzstanda Moldonovka aýylynda mılıtsıoner túrme aýmaǵyna esirtki laqtyrmaq bolǵan. Bul týraly Memlekettik jazalaýdy oryndaý qyzmetiniń baspasóz qyzmeti málim etti, dep habarlaıdy Kabar agenttigi.
Onyń deregi boıynsha, eki jigit 2017 jyldyń 16 jeltoqsanynda Shý oblysy Alamedı aýdany Moldovanovka aýylynda ornalasqan №27 mekemeniń aýmaǵyna tyıym salynǵan zattardy laqtyrmaqshy bolǵan.
Olardyń biri ustalsa, ekinshisi oqıǵa ornynan izin sýytqan. Saraptama qorytyndysyna sáıkes, tabylǵan zattar salmaǵy 189,67 gramm bolatyn marıhýana bolyp shyqty. Atalmysh fakti boıynsha qylmystyq is qozǵalǵan.
Tergeý barysynda 2018 jyldyń 10 tamyzynda qylmyskerdiń sybaılasy 34 jastaǵy N. K. J.qolǵa tústi. Ol ustalǵan kezde Bishkek qalalyq ІІB qyzmetkeri bolǵan.
Qazirgi tańda is sottyń qaraýyna jiberildi.
