Mılıch Chýrchıch «Tobyl» komandasy bas bapkeri qyzmetinen ketti

ASTANA. KAZINFORM — Serbııalyq maman Mılıch Chýrchıch qostanaılyq «Tobyl» komandasy bas bapkeri qyzmetinen ketti.

Qos tarap ózara kelisim boıynsha eńbek qatynasyn buzý týraly sheshimge keldi.

«Qostanaılyq „Tobyl“ fýtbol klýby Mılıch Chýrchıchke jáne onyń shtabyna klýbta atqarǵan jumysy úshin rızashylyǵyn bildiredi. Aldaǵy mansabynda sáttilik tileımiz» dep jazylǵan habarlamada.

43 jastaǵy bapker «Tobyl» komandasyna 2023 jyldan beri jetekshilik etip keldi.

Ol qostanaılyq ujymmen birge Qazaqstan Kýbogy jáne Qazaqstan Sýperkýbogy ıegeri atandy.

Ázirge Nurbol Jumasqalıev bas bapkerdiń mindetin atqarady.

Nurbol Járdemuly komanda oıynshylarymen, jalpy Qostanaı fýtbolynyń tarıhymen jaqsy tanys.

Klýbtyń ańyz oıynshysy ekeni fýtbolsúıer qaýymǵa belgili.

Esterińizge sala keteıik, 2019 jyly ol «Tobyldy» jattyqtyrǵan, aıdyń úzdik jattyqtyrýshysy da atandy.

Aıta ketsek, budan buryn Levan Korgalıdze «Jeńis» fýtbol komandasynyń bas bapkeri qyzmetinen ketken bolatyn.

Sondaı-aq «Qaırat» fýtbol klýbynyń bas bapkeri Kırıll Keker de jumystan bosady.