Mılanda Olımpıada oıyndaryna qarsy sherý ótti

ASTANA. KAZINFORM — Senbi kúni Mılan men Kortına qalalarynda shamamen on myńǵa jýyq adam Olımpıada oıyndaryn ótkizýge qarsy sherýge shyqty, dep habarlaıdy Kazinform agenttiginiń menshikti tilshisi. 

Eske salaıyq, Olımpıada oıyndarynyń ashylý saltanaty keshe «Meatstsa» stadıonynda ótken.

Narazylyq bildirýshiler ekologııalyq jáne ekonomıkalyq turǵydan «turaqsyz Olımpıadaǵa», Italııadaǵy AQSh-tyń ICE qyzmeti agentteriniń bolýyna, sondaı-aq Palestınany qoldaý maqsatynda jáne Italııa Mınıstrler keńesi bekitken jańa qaýipsizdik sharalaryna qarsy shyqty.

Bul — Týrın qalasyndaǵy Askatasýna áleýmettik ortalyǵynan kóshirýge qarsy aktsııadan keıin iri qatysýshylar jınalýy kútilgen alǵashqy demonstratsııa boldy. Atalǵan oqıǵa kezinde qaqtyǵys saldarynan bir polıtsııa qyzmetkeri aýyr jaraqat alǵan edi.

Mılanda polıtsııa sý shashqyshtardy qoldanǵany tirkeldi, alaıda eshkim aýyr zardap shekken joq: birneshe adam jeńil jaraqat alyp, túrli qoǵamdyq uıymdardyń músheleri bolǵan alty adam qamaýǵa alyndy.

Narazylyq bildirýshiler qala ishinde jańadan ashylǵan Olımpıadalyq aýyldyń janynan júrip  ótti. Sherý barysynda otshashý men tútin shashqyshtar qoldanylǵanymen, jalpy alǵanda aktsııa beıbit túrde ótti. Keıbir transparanttarda «ICE out» degen jazýlar bolsa, basqalarynda Djordja Melonı úkimeti men Mılan meri Beppe Salany synǵa alǵan urandar jazylǵan.

Aıta ketelik Ámirǵalı Muratbekov pen Naıl Bashmakov úshin skıatlon jarysy aıaqtalǵan edi.