Mılan qysqy Olımpıada oıyndarynyń alaýy jaǵyldy
ASTANA. KAZINFORM — 2026 jylǵy HHV Qysqy Olımpıada jáne Paralımpıada oıyndarynyń alaýy jaǵyldy.
olympics.com saıtynyń habarlaýynsha, aýa raıynyń qolaısyzdyǵyna baılanysty saltanatty rásim Gretsııadaǵy Olımpııa arheologııalyq murajaıynda ótti. Rásim barysynda 24 qarashada ejelgi Olımpııa arheologııalyq ornynda ornalasqan Gera ǵıbadathanasynda Bas dinı qyzmetkerdiń alaýdy jaqqan beınejazba kórsetildi.
Olımpıada alaýy jaǵylǵannan keıin, estafeta eń áýeli Gretsııada bastalyp, sodan keıin 4 jeltoqsanda Afınada Mılan qysqy Olımpıada oıyndaryn uıymdastyrý komıtetine resmı túrde tabastalady.
Mılan qysqy Olımpıada oıyndaryn uıymdastyrý komıteti jarııalaǵan josparǵa sáıkes, alaý estafetasy 2025 jyldyń 6 jeltoqsanynan 2026 jyldyń 6 aqpanyna deıin jalǵasyp, 12 000 shaqyrymdy quraıdy. Olımpıada alaýy Italııanyń barlyq 20 aımaǵy men 110 provıntsııasyn aralap, 300-den astam qalashyqtar men eldi mekenderde jáne 60 qalada merekelik is-sharalar ótkiziledi.
Aıta keterligi, Olıpıada oıyndary alaýyn jaǵyý sımvolıkalyq sharasy ejelgi Olımpıada rýhynyń qazirgi Olımpıada rýhyna aýysýyn bildiredi. 1936 jyldan bastap alaý jaǵý rásimi Olımpıada oıyndary dástúriniń ajyramas bóligine aınaldy.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi.