Italııanyń Mılan jáne Kortına-d’Ampetstso qalalarynda Olımpıada alaýy tutandy
LIVINЬO. KAZINFORM — Italııanyń Mılan jáne Kortına-d’Ampetstso qalalarynda XXV qysqy Olımpıada oıyndary resmı bastaldy.
Olımpıada alaýy Mılan qalasyndaǵy Beıbitshilik qaqpasy (Arco della Pace) jáne Kortına-d’Ampetstso qalasyndaǵy Dıbona alańynda (Piazza Dibona) bir ýaqytta tutandy.
Mılandaǵy bas alaýdy taý shańǵy sportynan úsh dúrkin Olımpıada chempıondary Alberto Tomba men Debora Kompanonı, al Kortına qalasyndaǵy bas alaýdy Olımpıada chempıony Sofııa Godja jaqty.
Bas alaýdyń dızaıny Leonardo da Vınchıdiń «Knots» geometrııalyq túıin órnekterinen shabyt alǵan. Onyń qurylymynda aınymaly geometrııalyq dızaın qoldanylyp, alaýdyń ulkendigi jabylǵan kezde dıametri 3,1 metr, al jaıylǵan kezde 4,5 metrge jetedi.
Aıta keterligi, Olımpıada alaýy estafetasy 63 kúnge sozyldy. Ol Italııanyń 60 qalasyn aralap, 12 000 shaqyrym qashyqtyqty jáne eldiń barlyq 110 provıntsııasyn qamtydy.
Osyǵan deıin habarlaǵanymyzdaı, Italııanyń Mılan jáne Kortına-d’Ampetstso qalalarynda XXV qysqy Olımpıada oıyndarynyń ashylý saltanaty ótti.
Saltanatty sharanyń qoıylymyna barlyǵy 27 elden 1200 erikti oryndaýshy qatysty, olardyń jasy 10-nan 70-ke deıingi aralyqty qamtydy.
Sonymen qatar ashylý saltanatynyń mýzykasyn jazýǵa 500 mýzykant qatysyp, qoıylymda 1400 kostıým jáne 1000 rekvızıt qoldanyldy.
Qazaqstan delegatsııasy alańǵa 44-bolyp kirdi, elimizdiń kók baıraǵyn short-trekshi Denıs Nıkısha jáne frıstaılshy Aıaýlym Ámrenova bıik kóterip júrdi.