Mılan meri Djordjo Armanıdi jerleý rásimine qatysty aza tutý kúnin jarııalady

ASTANA. KAZINFORM – Mılan meri Djýzeppe Sala sángerdi jerleý rásimi 8 qyrkúıekte ótetinin habarlap, ony qalalyq aza tutý kúni dep jarııalady, dep habarlaıdy La Milano. 

- Djordjo Armanı ıtalıandyq jáne mılandyq sánniń álemdegi eń iri ókilderiniń biri boldy jáne solaı bolyp qala beredi. Armanı talant pen qyzyǵýshylyqqa toly, óz týyndylaryna jeke basynyń qatal jáne talǵampaz stılin, ólshemdi, shekten shyqpaı jetkize alatyn adam boldy. Biz onyń shyǵarmashylyq kózqarasyn, qalamyzdyń ómirine belsendi qatysýyn jáne qoldaýyn saǵynamyz, - dep málimdedi Sala.

Áıgili modeler Djordjo Armanı 4 qyrkúıekte 91 jasynda dúnıeden ótti.

Onyń qaıtys bolýyna baılanysty Italııa basshylyǵynyń, saıası jáne qoǵamdyq ortanyń ókilderi kóńil aıtty.

Italııa prezıdenti Serdjo Mattarella óz joldaýynda Armanı «álemdegi stılıster urpaqtaryn shabyttandyrǵan jáne áser etken ıtalıandyq sánniń danyshpany» bolǵanyn atap ótti.

Dızaınermen qoshtasý rásimi Mılanda 6 jáne 7 qyrkúıekte ótedi. Marqumnyń ótinishi boıynsha jerleý rásimi jarııa bolmaıdy.