Mılan-Kortına Olımpıadasynyń chempıony Mıhaıl Shaıdorov elge oraldy
ASTANA. KAZINFORM – Álemdik dodada kók týymyzdy jelbiretken otandasymyz Mıhaıl Shaıdorov pen atalmysh sporttyq básekede joǵary nátıje kórsetken Sofıa Samodelkına Qazaqstanǵa keldi.
Otandastarymyzdy týǵan-týystary, dostary jáne jankúıerleri elordadaǵy áýejaıdan qoshemetpen qarsy aldy.
Ulttyq Olımpıada komıtetiniń tóraǵasy Gennadıı Golovkın Olımpıada chempıonyna rızashylyǵyn bildirip, el mereıin asqaqtatqan sportshyǵa qurmet kórsetý kerek ekenin atap ótti.
– Bizdiń elimizde de mánerlep syrǵanaýdan Olımpıada chempıony bar! Osyndaı chempıonymyzben maqtanamyz! - dedi Golovkın.
Kók týymyzdy kókte jelbiretken Mıhaıl Shaıdorov qysqy Olımpıadada taqym qysyp, tileýles bolǵan otandastaryna rızashylyǵyn jetkizdi.
– Men barsha jankúıerge qoldaý kórsetkenderi úshin alǵysymdy bildiremin jáne elimizdiń atyn álemdik arenada tanytý úshin qolymnan kelgenniń bárin jasaýǵa daıynmyn, - dedi Olımpıada chempıony.
Eske sala keteıik, buǵan deıin Mıhaıl Shaıdorovtyń qysqy Olımpıadanyń jabylý saltanatynda Qazaqstan týyn ustap shyqqanyn jazǵanbyz.