Mılan-Kortına qysqy Olımpıada oıyndarynyń alǵashqy altyn júldesi kimge buıyrdy

LIVINЬO.KAZINFORM — Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń alǵashqy jeńimpazdary anyqtaldy. 

Erler arasyndaǵy taý shańǵysy jarysynda shveıtsarııalyq jas sportshy Fon Allmen 1 mınýt 51,61 sekýndtyq kórsetkishpen máre syzyǵyn birinshi bolyp kesip, osy qysqy Olımpıada oıyndarynyń alǵashqy altyn medalin qorjynǵa saldy.

Italııalyq Djovannı Frantsonı jáne Domınık Parıs aldyńǵy úshtikti túıindedi.

Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi. Baıraqty básekede 16 sport túri boıynsha 116 medal jıyntyǵy sarapqa salynady. 

Osyǵan deıin habarlaǵanymyzdaı, Olımpıada alaýy Mılan qalasyndaǵy Beıbitshilik qaqpasy (Arco della Pace) jáne Kortına-d’Ampetstso qalasyndaǵy Dıbona alańynda (Piazza Dibona) bir ýaqytta tutandy.