«Mılan» FK qytaılyqtarǵa 740 mln eýroǵa satyldy
ASTANA. QazAqparat - Italııalyq kásipker Sılvıo Berlýskonı «Mılan» fýtbol klýbyn qytaılyq kompanııaǵa satty, dep habarlaıdy Lenta.rý.
Berlýskonıǵa tıesili Fininvest fırmasy qytaılyq-amerıkalyq Sport Investment Lux konsortsıýmyna klýbtyń 99,93 paıyz aktsııasyn satty.
Kelisimsharttyń quny 740 mln eýro. Atalǵan qarjynyń 220 mıllıony «Mılannyń» qaryzdaryn óteýge jumsalmaq. Berlýskonı «Mılan» klýbyn 1986 jyly satyp alǵan bolatyn.
Sodan beri komanda Italııa chempıonatyn 8 ret, Italııa Kýbogyn 1 ret, eldiń sýperbkýbogyn 7 ret, Chempıondar lıgasyn 5 ret, ÝEFA sýperkýbogyn 5 ret jeńip aldy. Eki ret kontınentaralyq kýboktyń, bir ret klýbtar arasyndaǵy álem chempıonatyn jeńip aldy.
Sońǵy ret aq-qara tústi kıimdiler 2010/11 kezeńinde A serııasyn jeńip alǵan bolatyn. Aǵymdaǵy maýsymda komanda 31 týrdan keıin kósh basynda kele jatqan «ıÝventýstan» 20 upaıǵa keıin qalyp, 6 orynda keledi.
