Mılan-2026 qysqy Olımpıadasyna baratyn Qazaqstan sportshylary belgili boldy

ASTANA.KAZINFORM - 2026 jylǵy 6-22 aqpan aralyǵynda Italııada ótetin XXV qysqy Olımpıada oıyndaryna Qazaqstan quramasynyń sapynda 36 sportshy qatysady. Bul týraly Týrızm jáne sport mınıstrligi habarlady.

Qazir Qazaqstan enshisinde kelesi sport túrlerinen lıtsenzııa bar:

Frıstaıl-mogýl - 4 sportshy

Frıstaıl-akrobatıka - Dinmuhammed Raıymqul, Sherzod Hashırbaev, Roman Ivanov, Asan Asylhan, Aıana Joldas.

Bıatlon - 2 er, 2 áıel sportshy (baratyn sportshylar esimi Ulttyq qurama bapkerler keńesinen keıin anyqtalady)

Taý shańǵysy sporty - Rostıslav Hohlov, Aleksandra Skorohodova.

Shańǵy qossaıysy - 1 sportshy.

Shańǵy jarysy - 7 sportshy

Shańǵymen tuǵyrdan sekirý - 2 sportshy

Konkımen júgirýden 5 sportshy - Evgenıı Koshkın, Krıstına Sılaeva, Elızaveta Golýbeva, Nadejda Morozova, Arına Ilıaşenko.

Short-trekten 4 sportshy - Abzal Ájǵalıev, Denıs Nıkısha, Olga Tıhonova, ıAna Han.

Mánerlep syrǵanaýdan - Mıhaıl Shaıdorov, Sofıa Samodelkına.

Aıta keteıik, bul tek 2025-2026 jylǵy maýsymdaǵy lıtsenzııalyq kezeńder nátıjesindegi kórsetkish. Aldaǵy ýaqytta Halyqaralyq Olımpıada komıtetiniń esebinen qosymsha joldamalar berilýi múmkin.

Olımpıada lıtsenzııasyna qatysty qorytyndy aqparat qańtardyń aıaǵynda belgili bolady.

XXV qysqy olımpııa oıyndary Mılan jáne Kortına-d’Ampetstso qalalarynda ótedi. Oǵan álemniń 93 elinen 3 500-den astam sportshy qatysady.

Qazaqstan quramasy Mılan-2026 Olımpıadasyna taǵy 17 joldama ıelengenin jazǵan bolatynbyz.