Mılan-2026: qysqy Olımpıadanyń bastalýyna 15 kún qaldy
ASTANA. KAZINFORM — Eki aptadan soń XXV qysqy Olımpıada bastalady. Ol 6-22 aqpan aralyǵynda Mılan men Kortına-d’Ampetstsoda ótedi.
Italııa osymen tórtinshi márte Olımpıada oıyndaryn ótkizgeli otyr. Bıylǵy jylǵy qysqy Olımpıada oıyndaryn osy elde ótkizý týraly sheshim 2019 jyly 24 maýsymda HOK-tyń Lozanna qalasyndaǵy 134-sessııasynda qabyldanǵan.
Olımpıada oıyndary Mılanda alǵash ret ótkiziledi. Al Kortına-d’Ampetstso 1956 jyly uıymdastyrǵan.
Buǵan deıin Týrızm jáne sport mınıstri Erbol Myrzabosynov Italııada ótetin qysqy Olımpıada oıyndaryna sapaly daıyndyq úshin 13,3 mlrd teńge bólingeni týraly aıtty. Oǵan qosa, TOP-deńgeıdegi 13 sheteldik jattyqtyrýshy-keńesshi jumyldyrylǵanyn jetkizdi.
Mınıstr XXV qysqy Olımpıada oıyndarynyń ashylý saltanatynda elimizdiń kók baıraǵyn ustap shyǵatyn sportshylarǵa qatysty pikir bildirdi.
Apta basynda qysqy Olımpıadaǵa baratyn Qazaqstan sportshylary belgili boldy. Qazaqstan quramasynyń sapynda 36 sportshy bar.
QR Mádenıet jáne aqparat mınıstrligi oıyndar qazaqstandyq telearnalarda tikeleı efırde kórseteletinin habarlady.