Mılad Karımı jazǵy ýnıversıadada kúmis medal jeńip aldy
NUR-SULTAN. QazAqparat - Neapol qalasynda ótip jatqan jazǵy Ýnıversıada oıyndarynda sporttyq gımnastıkadan jekelegen jattyǵýlar boıynsha fınaldyq báseke aıaqtaldy. Qazaqstandyq Mılad Karımı gımnastıkalyq kermedegi jattyǵý boıynsha kúmis júlde jeńip aldy, dep habarlaıdy Olympic.kz.
Karımı kermedegi jattyǵýda 14.675 upaı jınap, ekinshi oryn ıelendi. Birinshi orynda taıpeılik Chıa Hýng Tang, úshinshi orynda reseılik Ivan Stretovıch.
Eske sala keteıik, Karımı qossyryqtaǵy jattyǵýdy tórtinshi, erkin jattyǵýdy jetinshi, kópsaıysty besinshi orynmen aıaqtady. Bul - Qazaqstan qorjynyna túsken tórtinshi medal.
Buǵan deıin dzıýdoshy Ǵalymjan Qyryqbaı altyn, gımnast Narıman Qurbanov kúmis, stend atýshy Sársenkúl Rysbekova qola júldeger atanǵan.
