Qostanaı – Áýlıekól – Surǵan joly jóndelip jatyr
ASTANA. KAZINFORM – Aqmola oblysynda respýblıkalyq mańyzy bar «Qostanaı – Áýlıekól – Surǵan» avtomobıl jolynyń 232-260 shaqyrym aralyǵynda ortasha jóndeý jumystary jalǵasyp jatyr.
Jóndeý júrgizilip jatqan ýchaskeniń jalpy uzyndyǵy 28 shaqyrymdy quraıdy. Joba aıasynda jol jabynyn jańartý jáne kólik qozǵalysynyń qaýipsizdigin arttyrýǵa baǵyttalǵan jumystar atqarylýda.
«Qazirgi ýaqytta 14,5 myń sharshy metr aýmaqta joldyń aqaýly ýchaskeleri qalpyna keltirildi. Sonymen qatar 45,6 myń sharshy metrde eski asfaltbeton jabyny jonylyp, 27 myń sharshy metr aýmaqqa iri túıirshikti asfaltbeton qospasynan tegisteý qabaty tóseldi. Jumystar belgilengen kestege sáıkes júrgizilýde», – dep habarlady QazAvtoJol kompanııasynan.
Jobany iske asyrýǵa 50 maman men 34 birlik arnaıy tehnıka jumyldyrylǵan.
Mamandardyń aıtýynsha, jóndeý jumystary aıaqtalǵannan keıin joldyń paıdalaný sapasy jaqsaryp, qozǵalys qaýipsizdigi artady.
Aıta keteıik, Mańǵystaýdaǵy mańyzdy joldyń 70 shaqyrymy jańartylyp jatyr.
