Mılad Karımı sporttyq gımnastıkadan álem kýbogynyń júldegeri atandy
ASTANA. QazAqparat - Katar astanasy Doha qalasynda sporttyq gımnastıkadan álem kýbogynyń kezeńi máresine jetti.
Bul synda jasóspirimder arasynan endi ǵana shyǵyp, eresekter arasyndaǵy saıysyna alǵash ret qatysqan Shymkent qalasynyń sportshysy Mılad Karımı kúmis júldeger atandy. Mılad óziniń súıikti edendegi jattyǵýy boıynsha tuǵyrdan kórindi, dep habarladydodasport.kz.
17 jasar gımnastshynyń jetistigi Qazaqstan quramasynyń bıylǵy álem kýbogy kezeńderindegi alǵashqy medali bolyp tabylady. Budan burynǵy sońǵy jetistik 2015 jyly Azızbek Kadrıtýllaevtyń qola júldesi bolatyn.
Mılad Karımıdiń ákesi ırandyq. Ózi Qazaqstanda dúnıege kelip, kishkentaıynan ulttyq qurama qatarynda synǵa túsip keledi. Osyǵan deıin birneshe aıtýly dodalarda úzdik atanǵan.
