Mılad Karımı sporttyq gınastıkadan Bakýdegi álem kýbogy kezeńiniń kúmis júldegeri atandy
ASTANA. KAZINFORM - Qazaqstandyq gımnast Mılad Karımı Ázirbaıjannyń Baký qalasynda ótip jatqan Álem kýbogynyń kezeńinde kúmis medal jeńip aldy, dep habarlaıdy Ulttyq olımpıadalyq komıtet.
Karımı erkin jattyǵýlar baǵdarlamasynda ekinshi nátıje kórsetti. Fınalda ol 14.300 upaı jınap, jarysty ekinshi orynmen aıaqtady.
Belarýs sportshysy Egor Sharamkov 14.533 upaımen birinshi oryndy ıelendi. Úshinshi oryn japonııalyq Kazýkı Mınamıge buıyrdy – 14.200.
Sondaı-aq búgin, 7 naýryzda qossyryqtaǵy jattyǵýlar boıynsha fınal ótti. Qazaqstandyq Dmıtrıı Patanın 13.166 upaı jınap, jetinshi oryn aldy.
Aıta keteıik, alda Qazaqstan quramasyn taǵy birneshe fınal kútip tur. Mılad Karımı men Dıas Toıshybek kermedegi jattyǵýlarda óner kórsetse, Zeınolla Ydyrysov pen Narıman Kýrbanov at snarıadyndaǵy jattyǵýlarda baq synaıdy.
Aıta keteıik, búgin Italııada qysqy Paralımpıada oıyndarynyń ashylý saltanaty ótti.
https://kaz.inform.kz/news/italiyada-kiski-paralimpiada-oyindarinin-ashilu-saltanati-ott-4c2bde/
