Mılad Karımı sporttyq gımnastıkadan álem kýbogy kezeńiniń fınalyna shyqty
ASTANA. KAZINFORM – Sporttyq gımnastıkadan Doha (Qatar) qalasynda ótip jatqan álem kýbogynyń kezeńindegi ekinshi irikteý kúniniń qorytyndysy boıynsha Qazaqstan quramasynyń sportshylary eki fınalǵa joldama aldy.
Týrnırdiń sheshýshi kezeńine qossyryqtaǵy jattyǵýlar boıynsha Mılad Karımı birinshi orynmen ótti. Qazaqstandyq gımnast irikteý barysynda tóreshilerdiń sheshimimen 14.000 upaı jınady.
Sonymen qatar Altynhan Temirbek te fınalǵa joldama aldy. Ol tireýishpen sekirý jattyǵýynda 13.199 upaı jınap, segizinshi orynmen fınalǵa ótti.
Aıta ketý kerek, Karımı men Temirbek erkin jattyǵý baǵdarlamasynyń fınalynda da baq synaıdy.
Al Narıman Qurbanov pen Zeınolla Ydyrysov qossyryqtaǵy jattyǵýda júlde úshin kúresedi.
Fınaldyq kezeń 18-19 sáýir aralyǵynda ótedi.
Eske sala keteıik, buǵan deıin Horvatııanyń Osıek qalasynda sporttyq gımnastıkadan álem kýbogynyń kezeńinde qazaqstandyq Mılad Karımı jeńis tuǵyrynan kóringen bolatyn.