Mılad Karımı sporttyq gımnastıkadan álem chempıonatyna barady

ASTANA. KAZINFORM — Sporttyq gımnastıkadan Qazaqstan ulttyq quramasynyń bapkerler shtaby Djakartada (Indonezııa) ótetin álem chempıonatynda el namysyn qorǵaıtyn sportshylardyń tizimin jarııalady.

Ártúrli baǵdarlamada júlde úshin alty gımnast baq synaıdy. Atap aıtqanda Narıman Kurbanov at snarıadyndaǵy, Mılad Karımı kermedegi, erkin, Dmıtrıı Patanın erkin, qossyryq pen shyǵyrshyqtaǵy jattyǵýlar boıynsha saıysqa túsedi.

Sondaı-aq Ilıas Ázizov erkin, qossyryq jáne kermedegi, Dıas Toıshybek at snarıady, qossyryq jáne kermedegi, Zeınolla Ydyrysov at snarıadyndaǵy jattyǵýlar jarysynda el namysyn qorǵaıdy.

Aıta keteıik, álem chempıonaty 19-25 qazan aralyǵynda ótedi. Ótken álem birinshiliginde Mılad Karımı erkin jattyǵýlarda qola medal jeńip alǵan edi.

Eske salsaq, budan buryn Ońtústik Koreıanyń Chechhon qalasynda ótip jatqan sporttyq gımnastıkadan jasóspirimder arasynda Azııa chempıonatynda Nurtań Ydyrysov altyn medal aldy.