Mılad Karımı Kaırdegi Álem kýbogynda fınalǵa ótti

ASTANA. KAZINFORM — Gımnast Mılad Karımı Kaırde ótip jatqan Álem kýbogynyń kezeńinde ekinshi márte birinshi orynmen fınalǵa shyqty, dep habarlaıdy UOK baspasóz qyzmeti.

Sporttyq gımnastıkadan Qazaqstan quramasynyń ókili Mılad Karımı Kaırde (Mysyr) ótip jatqan Álem kýbogynyń kezeńinde ekinshi fınalǵa joldama aldy.

26 sáýirde ekinshi irikteý kezeńi ótti.

Karımı kermedegi jattyǵýlarda óner kórsetip, 14,066 upaı jınady jáne taǵy da birinshi orynmen fınalǵa shyqty. Bir kún buryn ol erkin jattyǵýlardaǵy irikteý kezeńinde de birinshi oryn alǵan edi.

Altynhan Temirbek tireýishpen sekirýden 13-orynǵa ıe bolyp, fınalǵa óte almady.

Aıta keteıik, at snarıadyndaǵy jattyǵýlarynda Narıman Qurbanov pen Zeınolla Ydyrysov ta medal úshin baq synaıdy. Fınal 27-28 sáýir aralyǵynda ótedi.

Buǵan deıin qazaqstandyq Mılad Karımı Qatar astanasy Dohada sporttyq gımnastıkadan álem kýbogy kezeńinde ekinshi altyn medalǵa qol jetkizgen edi.