Mılad Karımı Horvatııadaǵy álem kýbogy kezeńinde qola medal enshiledi

ASTANA. KAZINFORM – Qazaqstandyq gımnast Mılad Karımı Horvatııanyń Osıek qalasynda ótip jatqan álem kýbogynyń kezeńinde erkin jattyǵýlar baǵdarlamasy boıynsha 3-oryn aldy.

Otandasymyz fınalda Izraıl sportshysy Artem Dolgopıat men AQSh ókili Ivaı ıÝnnosýkege jol berdi. 

Osylaısha Mılad tóreshilerdiń sheshimimen 13.966 upaı jınap, álem kýbogy kezeńiniń qola júldesine ıe boldy. 

Aıta keteıik, Karımı osy álem kýbogynyń kezeńinde kermedegi jattyǵý baǵdarlamasynyń fınalynda da óner kórsetedi.

Sonymen qatar at snarıadyndaǵy jattyǵýlarda Narıman Qurbanov pen Zeınolla Ydyrysov medal úshin baq synaıdy.

Buǵan deıin Mılad Karımıdiń Horvatııadaǵy álem kýbogy kezeńinde fınalǵa joldama alǵanyn jazǵan edik.