20:07, 22 Aqpan 2025 | GMT +5
Mılad Karımı gımnastıkadan Álem kýbogynda altyn júlde enshiledi
ASTANA. KAZINFORM — Dúbirli doda Germanııanyń Kotbýs qalasynda ótip jatyr, dep habarlaıdy Ulttyq olımpıada komıtetiniń baspasóz qyzmeti.

Mılad Karımı Kotbýs qalasynda ótip jatqan Álem kýbogynyń kezeńinde altyn medal jeńip aldy.
Erkin jattyǵý boıynsha fınalda qazaqstandyq gımnast 14.133 upaı jınady.
Ekinshi oryndy japondyq Katsýkı Mınamı (13.666) ıelense, úshinshi oryn ıtalııalyq Nıkkolo Vannýchchıge (13.533) buıyrdy.
Osyǵan deıin búgin fýtboldan Qazaqstan sýperkýbogynda almatylyq «Qaırat» elordada «Aqtóbeden» basym túsip, sýperkýbok ıegeri atanǵanyn jazǵan edik.