Mılad Karımı Bakýdegi álem kýbogy kezeńinde ekinshi medalin jeńip aldy

ASTANA.KAZINFORM - Sporttyq gımnastıkadan Qazaqstan erler quramasynyń kóshbasshylarynyń biri Mılad Karımı Ázerbaıjannyń Baký qalasynda ótip jatqan álem kýbogy kezeńinde eki dúrkin júldeger atandy.

QR UOK málimetinshe, otandasymyz kermedegi jattyǵýda ekinshi kúmis júldesin jeńip aldy.

Fınalda Karımı tóreshilerdiń sheshimimen 15.033 upaı jınap, ekinshi orynǵa ıe boldy.
Tan Tszıa-Hýn (Taıbeı) 15.366 upaımen birinshi oryndy ıelendi. Úzdik úshtikti Anhel Barahas (Kolýmbııa) túıindedi - 14.400 upaı.

Al Dıas Toıshybek 13.900 upaı jınap, tórtinshi orynǵa turaqtady.

Aıta keteıik, buǵan deıin Karımı erkin jattyǵýlar baǵdarlamasynda kúmis júldege ıe bolǵan edi.

Sondaı-aq búgin, 8 naýryzda at snarıadyndaǵy jattyǵýlar boıynsha aqtyq báseke ótti. Bul jattyǵýda Narıman Kýrbanov besinshi oryn alsa, Zeınolla Ydyrysov jetinshi nátıje kórsetti.

Aıta keteıik, qazaqstandyq jekpe-jek sheberi UFC-de sensatsııa jasady.