Mılad Karımı Azııa oıyndarynda kúmis medal jeńip aldy
ASTANA. KAZINFORM — Qazaqstan ulttyq quramasynyń ókili Mılad Karımı Japonııanyń Aıchı–Nagoıa qalalarynda ótip jatqan XX jazǵy Azııa oıyndarynyń kúmis júldegeri atandy.
Qazaqstandyq gımnast sporttyq gımnastıkadan erler arasyndaǵy erkin jattyǵýdyń fınalynda sátti óner kórsetip, qorytyndy esepte ekinshi oryn aldy.
Osylaısha, Qazaqstan 32 jyldan keıin Azııa oıyndarynda atalǵan baǵdarlama boıynsha qaıtadan kúmis medal jeńip aldy. Buǵan deıin qazaqstandyq gımnast erler arasyndaǵy erkin jattyǵýda 1994 jyly Hırosımada ótken Azııa oıyndarynda ekinshi oryn alǵan bolatyn. Ol kezde Sergeı Fedorchenko kúmis júldege qol jetkizgen edi.
Mılad Karımı úshin bul – Azııa oıyndaryndaǵy erkin jattyǵýdan jeńip alǵan alǵashqy medal. 2018 jyly Djakartada ótken Azııa oıyndarynda ol osy baǵdarlamada besinshi oryn alǵan bolatyn.
Mılad Karımı – Qazaqstan ulttyq quramasynyń kóshbasshy gımnastarynyń biri. Ol Olımpıada oıyndary, álem jáne Azııa chempıonattaryn qosa alǵanda, iri halyqaralyq jarystarda elimizdiń namysyn birneshe ret qorǵady.
Aıta ketelik Qazaqstan quramasy Japonııanyń Aıchı prefektýrasy jáne Nagoıa qalasynda ótip jatqan HH jazǵy Azııa oıyndarynda segizinshi altyn júldeni qorjynǵa salǵan edi.
