Mılad Karımı Azııa chempıonatynyń fınalyna joldama aldy
NUR-SULTAN. QazAqparat - Búgin Ulan-Batyrda sporttyq gımnastıkadan Azııa chempıonatynyń ekinshi jarys kúni aıaqtaldy. Qazaqstandyq sportshylar arasynan Mılad Karımı fınalǵa joldama aldy, dep habarlaıdy Olympic.kz.
Karımı gımnastıkalyq kermedegi jattyǵý boıynsha besinshi oryn ıelenip, fınalǵa ótti. Sondaı-aq, Mılad qol tirep sekirýden jáne gımnastıkalyq qossyryqtan aqtyq synda óner kórsetedi. Munyń aldynda Karımı erkin jattyǵýdan fınalda synǵa túsý múmkindigin alǵan bolatyn. Aıta ketelik, odan bólek Narıman Kýrbanov pen Akım Mýsaev gımnastıkalyq at snarıadyndaǵy jattyǵýdan fınalǵa ótti. Aqtyq báseke 22 maýsymǵa josparlanǵan.
