Mılad Karımı álem kýbogy kezeńiniń jeńimpazy atandy

ASTANA. KAZINFORM — Horvatııanyń Osıek qalasynda sporttyq gımnastıkadan álem kýbogynyń kezeńinde qazaqstandyq Mılad Karımı jeńis tuǵyrynan kórindi.

Ulttyq olımpıada komıtetinen málim etkenindeı, Mılad Karımı kermedegi jattyǵýdan úzdik shyqty.

Qazaqstandyq gımnast tóreshilerden 14,666 ball aldy. 

Izraıl ókili Aleksandr Mıakının (14,433) kúmis medalǵa qol jetkizse, qytaılyq Chenı Se (14,300) úzdik úshtikti túıindedi. 

Bul – M.Karımıdiń osy álem kýbogy kezeńindegi ekinshi medali. Budan buryn ol erkin jattyǵýdan qola alǵan edi. 

Osylaısha, Qazaqstan quramasy qorjynyna Osıekte úsh medal tústi. M.Karımıden basqa Narıman Qurbanov at snarıadyndaǵy jattyǵýdan úshinshi orynǵa kóterilgen edi. 

Eske sala keteıik, budan buryn gımnastıkadan álem kýbogy kezeńinde Narıman Qurbanov altyn, Zeınolla Ydyrysov kúmis alǵanyn jazǵan bolatynbyz.

Sondaı-aq Mılad Karımı Horvatııadaǵy álem kýbogy kezeńinde qola medal enshiledi.