22:35, 19 Sáýir 2025 | GMT +5
Mılad Karımı álem kýbogy kezeńinde taǵy bir altyn aldy
ASTANA. KAZINFORM — Qazaqstandyq Mılad Karımı Qatar astanasy Dohada sporttyq gımnastıkadan álem kýbogy kezeńinde ekinshi altyn medalǵa qol jetkizdi.
Ulttyq olımpıada komıtetinen málim etkenindeı, Mılad Karımı bul joly kermedegi jattyǵýda aldyna jan salmady.
Qazaqstandyq gımnast tóreshiler sheshimimen 14.500 upaı jınady. Taıbeılik Chıa Hýn Tan 14.400 upaımen ekinshi orynnan kórinse, qytaılyq Tsı Tan (14.000) úzdik úshtikti túıindedi.
Osylaısha, Mılad Dohadaǵy álem kýbogynyń kezeńin eki altyn medalmen aıaqtady. Buǵan deıin ol erkin jattyǵýlar baǵdarlamasynyń fınalynda jeńiske jetken edi.
Eske sala keteıik, budan buryn Mılad Karımıdiń álem kýbogy kezeńinde úzdik shyqqanyn jazǵan bolatynbyz.