Mılad Karımı — 2025 jylǵy Azııa chempıonatynyń kúmis júldegeri
ASTANA. KAZINFORM — Ońtústik Koreıanyń Chechhon qalasynda sporttyq gımnastıkadan Azııa chempıonatynda qazaqstandyq Mılad Karımı erkin jattyǵýdan kúmis medal aldy.
Saıys barysynda tóreshiler tarapynan oǵan 14.400 ball berildi. Bul Mıladtyń ekinshi oryn alýyna múmkindik týǵyzdy.
Mılad Karımı 1999 jyly dúnıege kelgen. 2023 jylǵy álem chempıonatynda erkin jattyǵýdan qola júldeger bolsa, Azııa chempıonatynda birneshe márte jeńimpaz jáne júldeger atandy.
Birinshi orynǵa 14.600 ballmen Karlos ıÝlo (Fılıppın) jaıǵassa, úzdik úshtikti 14.033 ballmen Mýn Gyn En (Ońtústik Koreıa) túıindedi.
Sondaı-aq el quramasynan Dmıtrıı Patanın (13.833 ball) júldege qol sozymda qaldy.
Aıta ketsek, budan buryn el quramasy komandalyq kópsaıysta úshinshi oryn aldy. Qurlyqtyq dodaǵa Qazaqstan quramasy tájirıbeli sportshylardy alyp bardy. Oǵan Ońtústik Koreıa, Ózbekstan, Taıbeı jáne basqa elderden myqty gımnastshylar bardy.