Mıkrobtar atmosferanyń joǵary qabatyna shyǵyp jer sharynyń kez kelgen tusyna taralady
ASTANA. QazAqparat - Ǵalymdar usaq bakterııalardyń aýa aǵynymen atmosferanyń joǵary qabattaryna kóterilip jerdiń kez kelgen tusyna taralatyndyǵyn anyqtady, dep jazady inosmi.ru.
NASA-nyń zertteý ortalyǵynyń qyzmetkerleri Amerıkanyń Oregon taýyndaǵy uıqyda jatqan výlkannyń basynan alynǵan aýa synamalarynyń quramynda Azııa jáne Tynyq muhıttaǵy óli aǵzalardyń DNK-syn kóp tapqan. Olar 3 myń shaqyrym qashyqtyqqa sozylǵan aralyqtaǵy atmosferanyń joǵary qabattarynda sýyqta tiri aǵzalar joıylyp ketedi dep sanady.
Alaıda 2011 jyly výlkan kúlinen alynǵan synama quramynda bakterııalardyń 27 paıyzy, sańyraýqulaqtardyń 47 paıyzy aman qalǵany anyqtaldy. Zertteýshi top sol jerde bolmaýy tıis 2 100 mıkrob túrlerin tapqan, onyń ishinde japon jaǵalaýynda ǵana kezdesetin Archea mırkoby da bar.
Sońǵy zertteýler mıkrobtardyń aýa raıyna áseri bar ekendigin aıtýda. Mysaly olar bultty jınap, jańbyr jaýdyrady, qurlyqtan qurlyqqa aýrý taratady, tipti klımatty ózgertedi eken.
Karıb teńizindegi korall rıfteriniń joıylyp bara jatqanyn zertteýshi ǵalymdar oǵan Afrıkada soqqan daýyl kezinde qummen birge ushyp kelgen mıkrobtar kináli dep otyr. Saharada qurǵaqshylyq kezinde shańǵa qosylyp ushqan koraldy joıatyn sańyraýqulaq Atlant muhıtynyń ústinen ushyp ótip 1983 jyly Karıbke kelip jetken.
Qazir amerıkalyq Tehas ýnıversıtetiniń ǵalymdary qazir antıbıotıkke tózimdi mıkroorganızmderdiń qanshalyqty alysqa ushyp jete alatyndyǵyn jáne olardyń qasıetteri jergilikti mıkrobtarǵa qalaı berilýin zerttep shyqty. Onyń qorytyndysy taıaý arada jarııa etiledi dep kútilýde.
