Mıhaı Nıstor súıiktisine degen saǵynyshynan «Astana arlandarynan» ketýge májbúr boldy
ASTANA. 8 jeltoqsan. QazAqparat - Ótken maýsymda «Astana arlandarynyń» namysyn qorǵap, kórermenderdiń kózaıymyna aınalǵan rýmynııalyq boksshy Mıhaı Nıstor Qazaqstannan súıiktisi úshin ketip qalypty. Bul týraly óziniń suhbattarynda Mıhaıdyń ózi málimdedi.
Álbette, «Astana arlandary» klýbynyń basshylyǵy rýmyn jigitin komandada qaldyrǵysy kelgen. Biraq qansha kelissózder júrgizgenimen, Nıstor Qazaqstanda qalǵysy kelmedi. Jańa maýsymnyń aldynda «Mılan naızaǵaıymen» kelisimshartqa otyryp, Italııaǵa kóship ketti.
«Qazaqstan Rýmynııaǵa tym alys boldy. Jaqyndarymmen, týys, baýyrlarymmen kórisýim tym sırep, elge ilýde bir kelip júrdim. Súıiktimmen de kórise almaı qınaldym. Al Italııa Rýmynııaǵa jaqyn. Mentalıtetimiz de uqsas. Qazir súıiktim qasymda. Degenmen «Astana arlandarynyń» basshylyǵyna da alǵysym sheksiz. Qazaqstandy eshqashan umytpaımyn», - dedi rýmynııalyq legıoner.
Esterińizge sala keteıik, Nıstor ıtalııalyqtardyń sapynda sharshy alańǵa shyǵyp ta úlgerdi. Birinshi týrda argentınalyq Fakýndo Gıglıonmen judyryqtasyp, ekinshi raýndtyń sońynda tehnıkalyq nokaýtpen jeńiske jettiǵ dep jazady alasharena.kz.
