Mıhaıl Shýmaher týystarynyń daýystaryn seze bastady
ASTANA. QazAqparat - Italıandyq jýrnalıst Antonıo Bosellı Mıhaıl Shýmaherdiń óziniń balalary men áıelderiniń daýysyn seze bastaǵanyn habarlady. Ol bul týraly áriptesi Djordjo Terrýtswıge silteme jasap, Tvıtterdegi óziniń blogynda jazdy, dep habarlady RBK.
«Meniń dosym jáne áriptesim Djordjo Terrýtswı maǵan Shýmaherdiń áıeliniń jáne balalarynyń daýysyn estigende jylaǵanyn aıtty. Bul árıne kóńilsiz jańalyq, degenmen shyndap kelgende onyń ómirge oralyp kele jatqanyn da bildiredi», - dep jazdy Bosellı.
Bul klınıkadan shyǵyp, úıinde ońaltý kýrsynan ótip jatqan kezdegi Shýmaherdiń jaǵdaıynan habardar etken alǵashqy jańalyq. Shýmaher aýrýhanadan shyqqannan beri onyń jaǵdaıy eleýli ózgere qoıǵan joq. - ol burynǵysha qozǵala, sóıleı almaıdy jáne sondyqtan da týystaryn kórgende sezinýi burynǵy shabandozdyń mıy jumys jasap turǵanynyń birden-bir belgisi.
29 jeltoqsanda Shýmaher shańǵy teýip júrip, tasqa súrinip qalyp, basymen jartasqa soǵyldy. Onyń basynda dýlyǵa bar edi, ony sol sátte ólimnen qutqaryp qaldy. Shabandozdy tikushaqpen gospıtalǵa alyp keldi, oǵan bas mıyna shuǵyl eki neırohırýrgııalyq operatsııa jasady, budan keıin ony jasandy essiz-tússiz jaǵdaıǵa keltirdi, bul jaǵdaıda 159 kún jatty.
Dárigerler birneshe aı boıy onyń esin jınaýyna árekettendi, óıtkeni uzaq ýaqyt osy kúıde jatýy aýyr saldarǵa nemese ólip ketýine ákep soǵýy múmkin edi. Shabandozdy meldıkamentozdyq essiz jaǵdaıdan shyǵarý protsesi onyń pnevmonııaǵa shaldyǵýyna baılanysty toqtatyldy. Shýmaher 20 keli salmaq joǵaltty, mamandar onyń dıafgramasy isten shyǵýynan qaýiptendi, aqyrynda ony essiz jaǵdaıdan shyǵardy.
Qyrkúıek aıynda ol klınıkadan úıine shyǵaryldy. Qazir ol ońaltý kýrsyn jalǵastyrýda.
